YANGA YAENDA TANGA LEO,YAITOSA SAFARI YA SAUZI

Yanga SC leo hii imefunga safari kwenda jijini Tanga kucheza mechi ya Ligi kuu Bara dhidi ya wenyeji Coastal Union itakayopigwa Jumamosi wiki hii.

Yanga imefuta mpango wa kwenda nchini Afrika Kusini kuweka kambi ya muda mfupi baada ya Azam kupewa ruhusa ya kwenda Zambia kucheza mechi za mashindano maalum.

Yanga imefuta safari hiyo ya bondeni baada ya Shirikisho la soka nchini TFF kuwanyima ruhusa ya kufanya hivyo.

“TFF imetunyima ruhusa kwa hiyo tunaenda Tanga,hivyo kama Azam inataka kutumia mechi za viporo ili kupata ubingwa basi sisi tutapambana nao kwa matokeo ya uwanjani,”alisema Jerry Muro ambaye ni Mkuu wa Kitengo cha Habari na Mawasiliano cha Yanga.

Tayari Simba SC ilitangaza jana kwamba nayo haitoiga safari ya Azam na badala yake itabaki nchini kucheza mechi za Ligi kuu.

Azam ambayo ipo Zambia jana ilitoka sare ya bao 1-1 na wenyeji Zesco United katika mchezo wake wa kwanza wa mashindano hayo maalum na kesho itashuka tena dimbani.

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.