MESSI AVUTIWA NA DOGO ALIYEBUNI JEZI YA PLASTIKI

Mshambuliaji wa klabu ya Barcelona Lionel Messi ameomba kukutana na mtoto Murtaza Ahmadi raia wa Afghanistan baada ya kuguswa na picha aliyosambaza mitandaoni ikimuonesha akiwa amevaa mfuko wa plastiki ulioandikwa jina lake.

Picha hiyo ilisambaa mnamo mwezi Januari ikionesha ubunifu wa mtoto huyo ambaye alivaa mfuko wenye mistari ya bluu mpauko na kuanika jila la Messi na namba tisa na kufanya ionekane kama jezi ya Argentina.

Mtoto huyo mwenye umri wa miaka mitano anatokea Afghanistan vijijini.

Jumapili tovuti ya michezo ya Argentina TYC ilithibisha kwamba Messi amezipata picha za Murtaza na amepanga kukutana na kijana huyo.

Murtaza, ambaye anaishi Ghazni, Kusini mwa Afghanistan ameshatafutwa kwa ajili ya kukutana na Messi. 

Kwa sasa bado haijapangwa siku wala saa ambapo pande mbili hizo zitakutana.

Afisa habari wa shirikisho la soka la Afghanistan, Syed Ali Kazemi, 

ametangaza kwamba: “Uongozi wa Afghan Football Federation (AFF) umepokea email kutoka kwa Lionel Messi na Barcelona kuhusu Messi kukutana na Murtaza”.

Xxxxx

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.