Ureno itacheza dhidi ya Croatia kwenye hatua ya 16 bora ya michuano ya Euro 2016 baada ya Cristiano Ronaldo kufunga bao mbili kwenye mchezo ulioshuhudiwa mabao sita yakifungwa walipopambana na Hungary huko Lyon.
Zoltan Gera aliifungia Hungary bao la kuongoza lakini Nani aliisawazishia Ureno akimalizia kazi nzuri ya Ronaldo kabla ya mapumziko.
Balazs Dzsudzsak alipiga bao mbili na kuiweka Hungary mbele kwa mara nyingine tena lakini Ronaldo akafanya yake na kuisawazishia Ureno.
Matokeo hayo yanaipa Hungary fursa ya kuongoza Kundi F wakiwa na pointi 5 sawa na Iceland wakitofautishwa na magoli huku Ureno ikikamata nafasi ya tatu kwa pointi zake tatu wakati Austria ikiyaaga mashindano katika makundi baada ya kumaliza nafasi ya mwisho ikiwa na pointi moja.
Kwa ujumla Ureno haijafanya vizuri katika hatua ya makundi ya michuano hiyo baada ya kujikuta ikimaliza hatua hiyo ikiwa na pointi tatu katika jumla ya mechi tatu ilizocheza.
Timu zilizotinga 16 bora ni pamoja na Ufaransa, Uswis, Wales, England, Ujerumani, Poland, Uhispania, Croatia, Italy, Hungary, Ureno na Iceland.
Nyingine zilizofuzu ni Ireland ya Kaskazini ambayo imesonga mbele kwa kushika nafasi ya tatu bora (best looser) kwenye kundi C na Slovakia ambayo nayo imeshika nafasi ya tatu bora kwenye kundi B.
0 comments:
Post a Comment