MAKALA : UNAUFAHAMU MCHEZO WA KUKUNJA SURA?

MCHEZO wa kukunja sura ni mchezo ambao watu hushindana kukunja sura zao kwa mitindo tofauti tofauti.

Mchezo huo huusisha viungo mbalimbali vilivyopo katika sura ya mtu kama vile macho, pua, midomo, kidevu na hata mashavu.

Hivyo washindani hutumia viungo hivyo kwa ajili ya kutafuta ushindi dhidi ya wengine.

Wapo washindani wanawaotumia kiungo kimoja cha sura yao na pia wapo wanaotumia viungo vyote ilimradi kufanya sura itishe kuliko mtu mwingine na kuweza kujinyakulia ushindi.

Mbali na hilo, wapo watu wanaodiriki hata kulia ili sura iweze kujikunja yenyewe na kutoa muonekano wa kutisha zaidi ya wengine kwa lengo la kujinyakulia ushindi.

Mchezo huu hufanyika sana katika nchi za Ulaya ambazo hadi sasa zinashikilia rekodi ya kuwa na michezo mingi zaidi kuliko zile za Barani Afrika.

Bado haijafahamika kwamba mchezo huu asili yake ni nchi gani na badala yake umeonekana ukishindaniwa katika nchi mbalimbali za Ulaya.

Mashindano hayo yalianza katika miaka ya zamani ambapo kuanzia mwaka 1267, mchezo ulikuwa unachezwa kwa mwaka mara moja kule nchini Uingereza.

Mnamo mwaka 1852 gazeti la Cumberland Paquet liliwahi kuuelezea mchezo huo kama mchezo wa kitamaduni.

ULIANZIA VIJIJINI

Katika miaka hiyo mashindano yalikuwa yanafanyika kiholela katika vijiji mbalimbali ambapo washindani walikuwa wakishindana kwa kukunja sura zao kwa mitindo tofauti.

Mashindano ya dunia ya kukunja sura yalikuwa yanafanyika kila mwaka mara moja katika eneo la Egremont, Cumbria.

Kwa washindani ambao walikua na vinywa vilivyokosa meno, walikua na nafasi kubwa zaidi ya kupata ushindi kwa sababu walikuwa na uwezo wa kuacha wazi vinywa vyao na kuchagiza kutisha kwa sura.

Peter Jackman alikuwa kinara wa sura ya kutisha baada ya kutwaa taji la dunia mara nne, akianzia mwaka 1998 na kupachikwa jina la ‘Bela Lugosi’

Pia alifanya kazi nyingi na Televisheni ikiwemo muonekano wake katika kipindi cha BBC kilichojulikana kama ‘They Think It's All Over’.

Mnamo mwaka 2000 alilazimika kuondoa meno yake ili kuwa na muonekano tofauti.

Mwanamke pekee kuweka rekodi kubwa katika mashindano ya dunia ni yule aliyeshinda taji mara 15, Tommy Mattinson kutoka UK.

Alifanya hivyo kati ya mwaka 1986-87 na kisha mara 10 kati ya mwaka 1999 na 2010.

JINSI MCHEZO UNAVYOSHINDANIWA

Mchezo huu unaonekana kama wa kitoto hivi hasa pale watu wazima wanapoamua kushindana kukunja sura zao.

Mashindano hayo hushindaniwa kwa namna mbili tofauti ikiwemo ya kukusanya picha za washindi mbalimbali waliokunja sura zao.

Namna nyingine ni kuwashindanisha watu ana kwa ana ambapo mshindani anakuwa anaonyesha mbwembwe zake.

Ushindi huwa unatolewa hasa kwa yule ambaye sura yake imeonekana kutisha zaidi ya mwingine.

Kwa mshindani ambaye atashindwa kutumia vema viungo vyake vya sura, huwa na uwezekano mkubwa wa kupoteza ushindi.

Athari kuu ya mchezo huu kwa mwanamichezo anayeshindana mara kwa mara ni kuifanya sura yake izeeke haraka hata kama umri bado ni wa ujana.

Makala imeandaliwa na Arone Mpanduka kwa msaada wa mtandao wa intaneti. Barua pepe- mpanduka@yahoo.com

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.