MKWASA ATOA SABABU ZA MABAO 7, AWASHUKURU WATANZANIA

Mkwasa(katikati)akizungumza na waandishi wa habari mapema leo.Picha kwa hisani ya TFF

Na Nicolaus Kilowoko

Siku moja baada ya kikosi cha timu ya Taifa ya Tanzania Taifa Stars kutolewa katika hatua ya kusaka tiketi ya kushiriki fainali za kombe la dunia nchini Urusi, kocha mkuu wa timu hiyo Charles Boniface Mkwasa amefunguka kuhusiana na kilichopelekea kupoteza mchezo wao dhidi ya wapinzani wao Algeria.

Akizungumzia sababu za kutolewa katika hatua hiyo Mkwasa alisema pamoja na kupoteza mchezo huo lakini anawashukuru watanzania kwa kujitokeza kwa wingi kuwaunga mkono katika kipindi chote cha mashindano.

Lakini amekiri kuwepo kwa mapungufu katika kikosi chake katika mchezo huo huku akielezea ni kwa jinsi gani wapinzani wao walivyoungwa mkono na Serikali yao kwa kipindi chote cha mchakato huo wa kusaka tiketi ya kufuzu  kushiriki kombe dunia .

Mkwasa alisema wenyeji wao waliwatengenezea mizengwe kwa kipindi chote walichokuwa nchini Algeria huku akidai kwamba matokeo waliyopata Algeria ya mabao 7-0 yalitokana na fitina zilizofanyika kuanzia nje ya uwanja.

Alisema walifanyiwa vitendo ambavyo vilisababisha kuwatoa mchezoni wachezaji wake na kupelekea kushindwa kufanya vizuri katika mchezo huo.

“Pamoja na yote, ninawashukuru Watanzania kwa sapoti kubwa walioionyesha kwetu tangu tulipokuwa kwenye maandalizi hadi siku ya mchezo,”alisema Mkwasa.

Naye nahodha msaidizi wa Taifa Stars, John Bocco ameishukuru TFF kwa kuwapatia huduma bora za maandalizi na wakati wa michezo yao yote, amewashukru watanzania na vyombo vya habari kwa kuwapa sapoti na kuwaomba kuendelea kuwaunga mkono pindi wanapokua na majukumu ya kuiwakilisha nchi katika michuano mbalimbali.

“Matokeo ya juzi (dhidi ya Algeria) sisi wachezaji yametusikitisha, tulikua na malengo na mtazamo tofauti wa kupata ushindi, lakini katika mpira kuna matokeo matatu, tumepoteza mchezo huo kikubwa ni kujipanga kwa ajili ya michezo ijayo na watanzania muendelea kutusapoti timu ya Taifa kama ambavyo mmekua mkifanya kwa sasa” alisema Bocco.

Stars imerejea leo alfajiri ikitokea nchini Algeria ilipokua na mchezo wa marudiano dhidi ya Algeria, Jumanne katika uwanja wa Mustapher Tchaker mjin Bilda ambapo ilipoteza mchezo huo kwa kufungwa mabao 7 -0.

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.