COASTAL UNION YAIANGUKIA TFF, MASHABIKI

Kikosi cha Coastal Union

Na Oscar Assenga, Tanga
 

Uongozi wa Klabu ya Coastal Union ya Tanga umewaomba radhi wadau wa soka pamoja na shirikisho la soka nchini TFF kwa vurugu zilizotokea kwenye mchezo wao dhidi Mbeya City uliofanyika mwishoni mwa wiki hii katika uwanja wa uwanja wa CCM Mkwakwani.

Mchezo huo wa ligi kuu soka Tanzania bara ulimalizika kwa  vurugu hadi kikosi cha kutuliza ghasia (FFU) kilipoingilia kati na kutumia mabomu ya machozi kuwatawanya mashabiki wa soka waliokuwepo katika uwanja wa Mkwakwani.

Vurugu hizo zilitokea kufuatia mwamuzi wa mchezo huo Erick Enock kutoka Arusha kuamuru ipigwe penati kuelekea lango la Coastala union katika dakika za majeruhi na kuiwezesha Mbeya City kusawazisha bao hivyo hadi matokeo kuwa sare ya fungana bao 1-1.

Coastal Union iliomba radhi katika barua yake iliyoandikwa na kutiwa saini na Mwenyekiti wake Dr Ahmed Twaha kwenda kwa Katibu mkuu wa TFF, na nakala nyingine kwa Rais Jamal Malinzi,afisa mtendaji mkuu bodi ya ligi na katibu wa Chama cha soka mkoa wa Tanga (TRFA).

Aidha baada ya kutokea tukio hilo Mwenyekiti huyo alilazimika kuitisha kikao cha dharura cha kamati ya utendaji kujadili nini cha kufanya na hatua za kuchukua kwa wale watakaobainika kuhusika kwenye vurugu hizo.

Katika kikao hicho kamati ya utendaji imelaani vurugu hizo na imeaziamia kuwachukulia hatua waliohusika.

Imetolewa na Ahmed Twaha,Mwenyekiti wa Coastal Union

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.