KILI STARS YAUA TENA HUKO ETHIOPIA

Kocha mkuu wa Kilimanjaro Stars Abdallah Kibadeni

Timu ya soka ya taifa ya Tanzania Bara, Kilimanjaro Stars jioni ya leo(Novemba 24,2015) imefanikiwa kuinyuka Rwanda Amavubi mabao 2-1 katika mchezo wa pili wa kundi A la michuano ya CECAFA Senior Challenge Cup inayoendelea nchini Ethiopia.

Katika mchezo huo ambao ulipigwa mjini Awassa, Kili Stars ilitangulia kupata mabao mawili yaliyofungwa na Said Ndemla katika dakika ya 22 ya mchezo pamoja na Simon Msuva aliyefunga katika dakika ya 78.

Bao la kufutia machozi la Amavubi lilifungwa na Jaques Tuyisenge katika dakika ya 89.

Ushindi huo umefuta uteja  kwa Rwanda ambayo mara kadhaa imekuwa kikwazo kikubwa cha Kilimanjaro Stars katika michuano hiyo.

Kufuatia ushindi wa leo,Kili Stars ambayo inanolewa na babu Abdallah King Kibadeni Mputa, ipo kileleni mwa msimamo wa kundi A ikiwa na jumla ya pointi 6 na mabao 6 ya kufunga na hivyo imefanikiwa kutinga katika hatua ya robo fainali huku ikiwa na mchezo mmoja mkononi.

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.