TANZANIA YAPANDA 'MDOGO MDOGO' VIWANGO VYA FIFA

Tanzania imeendelea kupanda kidogo kidogo katika viwango vya ubora wa soka duniani vinavyotolewa kila mwezi na Shirikisho la soka duniani FIFA baada ya kushika nafasi ya 125.

Kwa mujibu wa viwango vipya vilivyotolewa leo, Tanzania imepanda kwa nafasi moja baada ya mwezi Disemba kushika nafasi ya 126.

Licha ya kupanda, Tanzania bado imeendelea kuburuzwa na nchi za Afrika Mashariki.

Kenya ipo katika nafasi ya 99 baada ya kupanda kwa nafasi mbili huku Uganda ikiwa inashika nafasi ya 70 baada ya kuporomoka kwa nafasi nane.

Rwanda ipo nafasi ya 85 ikiwa safari hii imepanda kwa nafasi sita wakati Burundi ikiwa kwenye nafasi ya 119 baada ya kupanda kwa nafasi tisa.

Kwa ujumla nchi za Afrika Mashariki zinaburuzwa na Uganda inayoshika nafasi ya 70.

FIFA imekuwa ikiangalia vitu vingi ikiwemo timu kushinda ugenini ambapo pointi huongezeka zaidi ikilinganishwa na ushindi wa nyumbani.

Kingine kinachoangaliwa na kuzingatiwa ni uwepo wa mechi wanazozitambua iwe za kirafiki ama za mashindano ambapo kwa mwezi uliopita Taifa Stars haikucheza mechi yoyote.

Share on Google Plus

About MPANDUKA BLOG

This is a short description in the author block about the author. You edit it by entering text in the "Biographical Info" field in the user admin panel.